نجم المجتمع الأشهر في التعليم بعد عودته لامدرمان ماذا قال
مهاجر:استغلال المواطنين اسؤا من مليشيا الدعم السريع
صحيفة النيل الالكترونية تجرى حوار مع نجم المجتمع الأشهر في التعليم استاذ الرياضيات مهاجر عبد الرحمن بعد عودته الي أمدرمان الي مضابط الحوار:
كيف ومتي خرجت من السودان؟
انا اصلا الأسره والأولاد وأمهم موجودين بالقاهره لان الاولاد يدرسوا في جامعه عين شمس انا كنت موجود في السودان واستقرت الأسره بالقاهرة وكان من مفترض أن أسافر قبل الحرب بيومين لكي أقضى عيد الفطر المبارك انذاك مع الاولاد بالقاهرة وارجع الي السودان شاءت الأقدار أن نمكث أربعه شهور في ويلات الحرب وبعدها توجهت نحو مصر لان الأسره أبدت قلقها الشديد ولدي ٤ بنات وولد وذهبت لاطمئنهم في القاهرة
كم مده قضيتها في مصر؟
قضيت حوالي عام كامل
_اكثر موقف هيج مشاعرك أثناء الحرب؟
بالنسبة لي هنا في السودان في انتشار جثث المواطنين والعسكريين في معسكر سكراب في الأيام الاولي للحرب كان منظر غير مألوف والرعب الذي عايشناه في الأسر لاسيما الأطفال والنساء منظر ماعهدناه … وفي مصر ظهرت مظاهر لم يألفها الشعب السوداني من قبل وهي ظاهرة التسول التي دفعتهم لها الحاجه الماسه ولم يعرف من قبل التسول وذلك لحيائهم الشديد وايضا في مصر هنالك بعض الصعوبات في إجراءات الإقامه في منطقه العباسية.
ماهي الدوافع التي جعلك ترجع الي أمدرمان ؟
انا حقيقي خارج السودان كنت اعيش بالجسد فقط انا أمدرماني اما وابا وجدا وغير قادر علي مهنتي وهي التدريس في المهجر وحتي في البدن صحتنا تراجعت خارج الديار تعلق الشخص بأمدرمان وهو السبب الذي تفعني للرجوع ي واحس أننا نمكن ان نقدم حاجه كسلاح فتاك أكثر من البندقية.
بما تنصح الشعب السوداني في المهاجر؟
بالرجوع الي أرض الوطن ولأن الاوطان تبني بواسطة شعبها وشبابها الهجره مهما طالت فوائدها ضعيفه وقد تكون هنالك فوائد مادية آنيه لكن البشيلوا منك أكثر من البتديك ليهو ننصحهم بالرجوع والعودة لحضن الوطن وتساهم في المساعده مع بعض لكي ننهض ببلادنا
كيف وجدت الاهل والعشيرة في أم درمان وشعورك أثناء دخولك لي العاصمه الوطنية ام درمان ؟
صامدين والواحد قدر مايتكام بتمسكوا العبره كان شيئا مؤلم تصدع الحيطان والجدران في أحياء أمدرمان القديمه خاصه العباسية والفتيحاب وود درو ود نوباوي الدمار الحصل كبير ولكن بسواعد شبابنا ورجالنا ووقوفنا مع دولتنا وجيشنا انشاء الله الكل يتبني ويصبح احسن من ماكان.
_بما تنصح طلاب الشهادة السودانية العالقين؟
أن لا يبعدوا من الكتاب المدرسي باي حال من الأحوال وبإذن الله الامتحانات قائمه sooner or later
كلمة أخيرة لك
شاكر لكل من ساهم أو من وقف مع اي سوداني داخل أو خارج السودان الحرب أظهرت اشياء كتيره جدا في ناس أتأ لقوا وجعلوها بوابة فتحوا التكايا والبيوت وساندو الناس في ناس خسروا الحرب بانهم استغلوا المواطنين وديل اسؤ من الدعم السريع نحنا شهامتنا وسودانا إسماعيل حسن كان بقول اقول بعضي الاقيهم تسربوا في مسارب الروح بقو كلي محل ماقبلت القاهم معاي معاي ذي ذي ظلي كان ماجيت من ذي ديل وا اسفاي واذلي تخيل كيف أكون الحال لو ماكنت سوداني وناس الحاره مااهلي وشكر لصحيفة النيل الإلكترونية.
