الرئيس المصري يتحدث عن حلول للكهرباء

النيل الإلكترونية:متابعات

تحدث الرئيس عبدالفتاح السيسي، عن المشكلة ما بين وزارتي البترول والكهرباء، والتي أدت إلى تطبيق خطة لتخفيف الأحمال، مؤكدًا دعم الدولة للوزارتين.

وأضاف خلال إحدى جلسات مؤتمر حكاية وطن «بين الرؤية والإنجاز»، المنعقد في العاصمة الإدارية الجديدة، اليوم السبت: «مفيش مسئول في الدولة يتكلم كده أبدا، هي دي حكايتي وحالي، أنا هستعر من حالي، لا ده حالنا ولازم نغيره وده ضعفنا ولازم ننهيه».

وتوجه بحديثه للدكتور محمد شاكر، وزير الكهرباء: «لو سمحتم خلوا الناس تبقى عارفة الحكاية، من حق الناس إنها تعرف، وأحسن حاجة ربنا قالها: الصدق، خليك صادق وقول الحقيقة».

واستطرد: «الموائمات السياسية لا بأس، لكن مفيش حاجة اسمها مواءمات في ظروفنا، في حقائق تتقال عشان الناس تاخد الموضوع وتشيل معاك، الناس في مصر بقالها سنوات طويلة متحملة مآسي، هما يتحملوا لكن قول لهم».

وأعرب عن أمنياته في تحقيق الآبار الاستكشافية التي تحدث عنها المهندس طارق الملا، وزير البترول، أملًا لمصر في المستقبل.

واختتم: «نسأل الله سبحانه وتعالى أن يوفقنا ويجعل في الـ110 آبار استكشافية الأمل اللي نطلب من ربنا إنه يساعدنا بيه، يا كريم يا غني اعطف علينا».