الاعلامية هديل إسماعيل في حوار لصحيفة النيل الالكترونية:مابسمع لي مروة الدولية …وهذه هي علاقتي مع حازم حلمي
حوار : صحيفة النيل الالكترونية
الاعلامية هديل هي اقتحمت مجال الإعلام مواخرا لكنها ولدت باسنانها وهي من الاعلاميات الشباب الذين لديهم طموح كبير والان أصبحت لديها عدد من المتابعين في صفحاتها في السوشيال ميديا استضافتها صحيفة النيل الالكترونية الي مضابط الحوار
سيرة ذاتية؟
انا هديل إسماعيل محمد علي من مواليد الخرطوم عمري 22سنة بديت في مجال الإعلام قبل سنتين ونصف تقريبا واتدربت في قناة أنغام الفضائيه وثم ذهبت الي Tvnet كنت يوتيوبر لمده عام وكانت من اجمل السنوات وانتقلت اخيرا الي قناة البلد …درست جامعة السودان قسم التصميم الداخلي .
هل هديل تعرضت لاعتراضات من قبل الأسرة لعدم الظهور في في الاعلام بصورة عامة ؟
لم اجد اي اعتراضات بالعكس كان هنالك دعم كبير من الوالده والوالد واخواني أيضا كانوا واقفين معي وكانوا عارفين حبي الشديد لمجال الإعلام حتي اول ظهور لي كان هنالك اعتراضات من قبل الأهل ولكن كان الدعم الأساسي من اسرتي الصغيرة.
هل الشهرة محمدة ام مفسدة بالنسبة ليك ؟
الشخص نفسه هو البحدد هل هي محمدة ام مفسدة ومجال الإعلام فيهو الصالح والطالح بس بتشوف هدفك وطموحاتك، بالنسبة لي محمده لأني امشي بخطوات وترتيب معين عشان اقدر انجح .
هل دخلتي مجال الميديا رغبة ام مهنة من أجل المال ؟
ما اعتقد من أجل المال لأن انا الحمدلله مامحتاجه اني اشتغل في الاعلام لجلب المال ولكن الإعلام بالنسبة لي حب وهواية منذ نعومة اضافري ومستعده أن اصرف من مالي الخاص عشان اقدر اقدم شئ جميل ومفيد للمجتمع والبلد.
هل لكي علاقة بالرياضة المحلية والعالمية والي اي نادي تنتمي؟
ماعندي علاقة قوية بالرياضة، وبحب حاجات البنات مثل رياضه “الزومبا”والتمارين اليومي وبحب تطبيق اليوتيوب .
الحالة الاجتماعية ؟
انا عزباء متزوجة ومنفصلة
-عايزنك تتحدثي بإيجاز عن هولاء
المنتصر بالله صالح
صديق من ناحية شخصية وماشي كويس وانا بدعموا لأنو بقدم حاجه جميله وبساعد في اكتشاف ماهو مستور للفنانين والمشاهير والمعلومات المخفية .
الفنانة ايمان الشريف
انا بحب ايمان شديد وهي ناجحة وبتمني لها التوفيق في مسيرتها الفنية انشاء الله
الدكتور عبد الله حمدوك
انا شايفة وضع البلد وحاسة بالشعب بس مابحب اتكلم في السياسة نهائي
ماعندي معه معرفة شخصيا وهو زميل في الوسط من خلال الميديا وفي صفحتو وهو زول جيد وبتمني له مزيد من التقدم والازدهار
مروة الدولية
مابسمع ليها وعندها خامة صوت جميلة ونادره
و الدكتور اشرف الكاردينال
دكتور الكاردينال حاسي بوضع البلد وبكون في مقدمة رجال إلاعمال البدعموا البلد وهو طلع قافلة كاملة لمنطقة المناقل في ولاية الجزيرة ربنا اوفقوا انشاء الله
علاقتي مع المظبخ ماقوية وماضعيفة يعني متوسطة
بتختلف من شخص لي آخر في شخص شغال الإعلام كهواية وحب وعندو شغل تاني وأغلبية الإعلاميين مامعتمدين علي الإعلام
10-كلمة أخيرة للمتابعين والمعجبين بيك بصورة خاصة والشعب السوداني بصوره عامه.
بحب متابعين شديد وانا هنا بفضلهم ودعمهم هم وربنا اصلح حال البلد وبشكر صحيفة النيل الالكترونية علي هذه الاستضافة الجميلة وبتمني لي الصحيفة مزيد من التقدم والازدهار.
