الفنان احمد الشبح في تصريحات ناريه خاصةً بالنيل نيوز ورشدي الجلابي….

حوار مع الفنان أحمد الشبح _سيرة ذاتية ومتى دخلت عالم الغناء_أحمد الشبح أحمد الأمين من مدينة الدويم النيل الأبيض عمري ٢٤ سنة ودخلت عالم الفن في عام ٢٠١٥ جديد انا ولكن وجدنا القبول والله الموفق __انت كنت تقدم الاسكتشات الدرامية هل انتقلت الى الغناء من أجل المال_؟أصلا أنا كنته بغني ولكن ظهرت للناس بالاسكتشات وجدت القبول في التمثيل والجمهور كان زمان بعرفني بالتمثيل. _ماهو سر لقب الشبح_ الشبح لقب كرة قدم كنته بالعب في الدورة المدرسية ولقبي كابتن ماجد _علاقتك بالفنانين بصورة خاصةً والفنانات بصورة عامة_ علاقتي معاهم حلوه شديد كلهم اخوان واخوات ومتواصلين مع بعض وأنشاء الله مانشوف الشين من بعض _انته هلالابي ومريخابي_هلالابي وافتخر _ماهو جديدك لمعجبي بيك_ عندي اغنتين خاصةً بي كلمات وألحان عبد القادر حمدي وكلمات مهاب الكاهلي اغنية إسمها طلقة ونصف وأغنية إسمها جايين لي بعدين _أعمالك في رمضان_ تقريبا استديو ٥ مع الفنان طه سليمان _عدادك كم_ ماعندي حاجه معينه ومع الإخوان مابقصر. _انت متهم بي استغلال الترند رشدي الجلابي_انا ظهرت قبل رشدي والقبول من الله ورشدي زول اخوي وزول معاي وقاعد معاي في البيت _هل لديك رأي في الشؤون السياسية_ ماعندي رأي كلمه أخيرة لك التحية ليك وموقع النيل نيوز وشكر على الاستضافة وربنا اقدرنا نقدر نقدم حاجه تفيد الجمهور وبرجع وبقول موضوع الشهره من الله تعالى وماعندها علاقة مع معاك منو ولا ضدك منو ورشدي زول اخوي واهلو ابوه وأمه متواصلين معاي وعارفين أخبارو اول بأول وانا عندي معاه فترة زمنية بسيطة لتحديد حاجه معينه ولكي يدير صفحاتو وهو بعيد من موضوع السوشال ميديا وداير أرتب ليهو الإعلانات وبتمني ليهو كل خير.