حوار خاص لإزالة المكشوف مع الفنانه هاله عمر السؤال ده مامفترض تسألوا لي خاص بالنيل نيوز

حوار همام محمد الفاتح- _سيرة ذاتية عنك_ هالة عمر احمد الخليفة من بنات ولاية النيل الابيض مدينة تندلتي ..المستوى التعليمي خريجة جامعة النيلين كلية الاقتصاد_-متى دخلتي عالم الغناء_.من الدورات المدرسية في مرحلة الاساس والثانوي وتدرجاً في المستوى الجامعي ثم مركز شباب امدرمان وفي عام 2019 بدأت الغناء في الحفلات والمناسبات _-هل انتي تشجعي الهلال ام المريخ_ اشجع نادي الهلال ومتابعة جيدة لمسيرة وتاريخ النادي ومستعدة لتقديم الدعم الفني للنادي في اي وقت .. _-علاقتك بالمطبخ كيف_ الحقيقة علاقتي مع المطبخ مثل بنات بلدي بعرف اطبخ وبغسل العدة وبساعد امي في الطبيخ وبجيد عمل الوجبات البلدية ..- _الأغنية التي خلقة ليكي جوطة وزخم هي مرتك مالي مالا_ اغنية مرتك مالي ومالا من اغاني التراث القديمة جداً ولاقت قبول من جميع اطياف المجتمع وبقت الاولى في الحفلات الناس بيطلبوها مني .. _-ماهي أعمالك في رمضان_ اعمالي في شهر رمضان كثيرة وجمهوري موعود بعدة حفلات رمضانية على منصة مراسي الشوق حانزل فيها اغنياتي الجديدة والان شغالة في اعمال جديدة ان شاء الله حتنال اعجاب الجمهور .. _-هل لكي في رأي في الشؤون السياسية إذا نعم وضحى._ لا ما عندي علاقة مع السياسة .. _-ماالذي ابكاكي في الأغنية المشهورة_ ابكاني ما يبكي كل مواطن سوداني بحب بلدو وعايز الخير والاستقرار والعيشة الكريمة و حال البلاد وما يدور في السودان .. بس بقول وبدعي ربنا انو يصلح حال بلدنا .. _-علاقتك كيف مع الفنانين عامة والفنانات بصورة خاصة كيف_ ما عندي علاقة مع الوسط الفني تعاملي محدود بس بتواصل وبجامل في المناسبات الاجتماعية البكاء والافراح مع زملائي وزميلاتي بس غير كدة ما لصيقة بيهم .. _-عدادك كم_ السؤال ما منطقي ودا ما شغلي شغل مكتبي ومدير اعمالي .. والسؤال دا من اساسو مفترض الصحافة ما تسالو للفنان لانو نحن فنانين ما سلعة تجارية عندها سعر محدد .. _-كلمة أخيرة للشعب السوداني بصورة عامه ومعجبين بيك بصوره خاصة_ربنا يصلح الحال ويحفظ العباد .. وبحب اقول لجمهوري انتظروا الجديد ..