النيل الإلكترونية:حوارات
حرم النور فنانة لها قاعده جماهيرية لايستهان بها يشبها البعض بأنها تغني بأسلوب ندى القلعة لاتحب الميديا والأضواء.من الفنانات الذين يعتبرن من الدرجه الاولى في الغناء الرزين صحيفة النيل أجرت معاها حوار إلى مضابط الحوار
السودان الآن في حالة حرب كيف علمتني أنها بدات؟اولاً السلام عليكم ورحمة الله وربنا يحفظ السودان وأهل السودان وربنا يصلح حال السودان والرحمة والمغفرة لشهداء الكرامة والعرض والأرض والشرف وينصر قواتنا المسلحة.
ذي اي سودانية قاعده في بيتها مطمئنه وفجاة صحيت وجدت الدنيا مقلوبة.
اين كانت حرم النور صباح يوم ١٥ ابريل المشؤوم؟
حرم النور كانت في نص الحرب والنيران طبعا في منزلي الذي يبعد أمتار من سلاح المدرعات.
اكثر شىء مؤلم بالنسبة ليك في فترة الحرب؟
حالات النزوح والتهجير والتشريد والقتل والاغتصاب مافي حاجة مؤلمة اكتر من كده.
يرى بعض النقاد الفنيين أنه لاداعي للإحتفالات والصخب في ظل الحرب الوجودية في السودان؟
والله افتكر مافي شخص بفرح لحالة السودان لكن دي مهنتنا وشغلنا شاركت في مهرجانات لانو بمثل السودان وبغني لاهلي السودانيين مالي لشخص غريب في مناسباتهم الخاصة.
ماذا تعني ليكي ولاية الخرطوم؟
الخرطوم هي قلب السودان النابض وعاصمة السودان التي تضم وتحتضن جميع قبائل السودان
هل قدمتني اغنية لدعم القوات المسلحة السودانية؟
انا من اوائل من غني للجيش من اول أيام الحرب.
مجزرة الجزيرة
حسبنا الله ونعم الوكيل
اين تقيم حرم النور الآن؟
المملكة العربية السعودية
هل اذا الحرب توقفت ترجع حرم إلى الخرطوم؟
وين امشي دي بلدي وبلد اهلي وأجدادي طبعا من اوائل الناس
كلمة اخيرة
ربنا يصلح حال السودان وأهل السودان وبشكر صحيفة النيل الإلكترونية على اتاحتها لي الفرصة.
