مقال شديد اللهجة ضد والي الخرطوم

بلد في مرحله انتقاليه غير مستقره و مافيها حكومه ولا هيئات تشريعيه ولا دستور وانت زاااتك قاعد مكلّف فقط وعاوز تصادر اراضي المواطنين بمزاجك ؟
ده كلام شنو ؟
ناس مغتربين عشرات السنين وحصاد غربتهم حتة ارض في مناطق مافيها ابسط الخدمات ..اراضي لايتام وارامل وورثات وقصر ومعاقين وغيرهم وغيرهم جاي تصادرها منهم بحجة عدم البناء ياسيادة المكلف !..
عندما تتحدث سيادتك (المكلف)عن اخلال المواطن بالعقد لماذا لا تتحدث عن اخلال حكومتك الانت قاعد مكلف فيها بقلم الرصاص ..لماذا لا تتحدث عن اخلالها بما يليها ؟
اين الخدمات؟
اين المياه والكهرباء والطرق والمستشفيات والمدارس وبقية الخدمات الاساسيه حتى يلتزم المواطن بما يليه ..هل هذا المدير المكلف يعلم ام لا يعلم انو عشان توصل كهرباء تشتري العمود والاسلاك وكل شيئ وربما ترشي الموظف ..وكذلك المياه وغيرها..
انت عندك مستشارين واللا قاعد كده بس تنظر براك ؟انت مكلف بمصادرة اراضي المواطنين والا مكلف بادارة الاراضي ؟!

اراضي شنو العاوز تصادرها …خلصنا من الانقاذ وصادرت كل الميادين كمان جاي انت تكمل الناقصه !!
قرارك ده اعتقد اصغر محكمه ممكن تلغيه من اول جلسه …
بدل تحاول توفر خدمات تصبح رصيد لك بعد مغادرتك لهذا التكليف قريباً جدا ،،عاوز
تقلع وتنهب عرق الناس .!
ارجو مراجعة هذا القرار ..
وشكراً

*د الصاق عبدالله*