فاطمه كباشي الجيش هو الوطن وهذا مايجب ان يفعله السودانيين بالخارج
النيل الإلكترونية:خاص
فاطمه كباشي اعلاميه لديها عدد ضخم من للمتابعين في السوشال ميديا عملت مذيعه لعده سنوات في إذاعه 106 برو fm لديها حضور في التقديم ولديها وجه جميل صحيفة النيل اجرت معاها حوار في شكل دردشه رمضانيه
1-عايز بطاقه تعريفيه فاطمه كباشي بالرغم ان المعرف لايعرف؟
انا فاطمة كباشي ( انا بت البدو الناس الفصاح ).
2-يقول البعض ان الإعلاميه فاطمه كباشي لاتملك موهبه اعلاميه بل تعتمد علي جمالها؟
الذين يتسألون هم لا يعلمون اين اعمل انا
هل الاذاعات تعتمد على الشكل!؟؟ والمظهر الخارجي؟!!
3_ماذا تقولي للشعب السوداني المغلوب علي امره من ويلات الحرب؟
الشعب السوداني شعب قوي جداا والحمد لله قادر على تحمل الصعاب وكتير من السودانيين قدر يحققوا نجاح في مشاريع خارج السودان والبداية من الصفر امر لم يكن بالسهل عليهم دا اكبر نجاح ورد على الهزيمة والمصيبة الواجهتنا
انو السوداني قادر انو ينجح حتى في اسوء الحالات
وربنا يصبرهم ويصلح حال البلاد ويعود السودان امن شامخ مستقر حر مستقل من غير اي تدخلات من الخارج واتمنى انهم يكونوا يد وحده في هذه الظروف الصعبه
ويساندو بعض ويكون خير العون لاهلهم
فترة عصيبة جدا ولكن بإذن الله قريبآ تنتهي
وانو اي سوداني خارج السودان هو سفير لوطنه ويجب ان يمثل السودان خير تمثيل
4_كلمه من فاطمه كباشي لقيادة القوات المسلحة
بقول لقوات الشعب المسلحة انو املنا فيكم عمرو ماخاب وانو الجيش دوما حامي الوطن ربنا ينصركم ويوفقكم وبإذنه تعالى في القريب العاجل نحتفي معآ بتحرير الخرطوم وابقو الصمود …الجيش يعني الوطن والوطن لا يهان
5_ماذا تقدم فاطمه كباشي لجمهورها بعد شهر رمضان؟
في الفترة دي كل حاجة ممكن تساعد السودانيين في الخارج انا معاهم اذا كان دعم للاسر المنتجة والمشاريع الناشئة او غيرها من الاعمال
6_كلمه لقبيلة الإعلاميين بصوره خاصه والشعب السوداني بصوره عامه
الاعلاميين التحية للفارسه نجود حبيب وعدد من الزملاء بالسودان وتمنيت لو كنت معهم انا بفتكر انو اي اعلامي شغال في السودان فترة الحرب وما سافر هو وعسكري الجيش في نفس المكانه وان شاء الله يعود السودان ويعود الاعلام كما عهدناه في الزمن الجميل (استاذ عمر الجزلي ) اسماء في حياتنا اتمنى يكون في تدريب من القنوات المؤسسات الاعلامية للاعلاميين الجدد اما بالنسبة لشعب السوداني بقول:يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
ماكَ هوين سهل قيادك
سّيد نفسك..
مين أسيادك
ديل أولادك.
